ایک محبت کی کہانی
| تعداد | رعایت | رعایتی قیمت |
| 3 - 4 | 25% | ₨ 713 |
| 5 - 9 | 33% | ₨ 637 |
| 10 + | 40% | ₨ 570 |
فرانس کی مشہور ادیب اور فلسفے، فیمینزم اور سیاست کے تعلق سے معروف شخصیت سیمون ڈبووار 1908 میں پیرس میں پیدا ہوئیں۔ انھوں نے سوربوں یو نیورسٹی میں فلسفے کی تعلیم حاصل کی۔ تعلیم کے دوران دبووار کی ملاقات سارتر سے ہوئی ۔ دونوں نے فلسفے کا امتحان امتیاز سے پاس کیا۔ اس وقت دبووار کی عمر اکیس برس کی تھی۔ سارتر سے ان کی ملاقات ایک گہرے تعلق کی ابتدا ثابت ہوئی جسے ان دونوں نے شادی اور اولاد سے ملوث نہ کرنے کا فیصلہ کیا۔ یہ تعلق سارتر کی موت (1979) تک قائم رہا۔ زیر نظر کتاب سیمون دبووار کے ناول The Mandarins کے چند حصوں کا ترجمہ ہے۔ محبت کی یہ کہانی دبوقار کی زندگی کے ایک معروف واقعے پر بنیاد رکھتی ہے جس کا ذکر انھوں نے اپنی خود نوشت سوانح میں بھی کیا ہے۔ ناول کا کردار لوئس بروکی دراصل امریکی ادیب نیلسن ایلگرن کا افسانوی بہروپ ہے جس سے دبووار کا تعلق 1947 میں شروع ہوا اور چار سال تک قائم رہا۔ یہ ناول پہلی بار 1951 میں شائع ہوا تھا۔ محمد عمر میمن نے ناول میں پیش کردہ قصے اور خودنوشت سوانح میں اس کی اصل کے بیان میں اہم تضادات دریافت کیے تھے جن سے ان کی رائے میں دبووار کی شخصیت اور فکر پر چند معنی خیز اعتراضات وارد ہوتے تھے۔ میمن کے منصوبے میں دونوں تحریروں کے متعلقہ اقتباسات کا ترجمہ اور ایک طویل مضمون شامل تھا لیکن دیگر مصروفیات کے باعث انھیں اس منصوبے کی تکمیل کی فرصت نہ مل سکی ؛ البتہ ناول کے متعلقہ حصوں کا ترجمہ آج کے تین شماروں میں قسط وار شائع ہوا اور پڑھنے والوں نے ایک عمدہ ادبی تحریر کے طور پر اس کا خیر مقدم کیا۔
ISBN 978-969-648-117-1
تبصرے
ابھی تک کوئی تبصرہ موجود نہیں ہے۔