اختر حمید خاں اور اورنگی پائلٹ پروجیکٹ
| تعداد | رعایت | رعایتی قیمت |
| 3 - 4 | 25% | ₨ 150 |
| 5 - 9 | 33% | ₨ 134 |
| 10 + | 40% | ₨ 120 |
اورنگی پائلٹ پروجیکٹ کو اختر حمید خاں نے 1980 میں قائم کیا تھا۔ اس منصوبے کو بین الاقوامی توجہ اور تحسین حاصل ہوئی ہے جس کا باعث یہ ہے کہ یہ ادارہ کم آمدنی والے افراد کی بستیوں کے حالات کو بہتر بنانے کے سلسلے میں پیش آنے والے بڑے مالی، تکنیکی اور سماجی مسائل کو حل کرنے میں کامیاب ہوا ہے اور اس کی کوششوں کی بدولت ترقی کے عمل میں شہری باشندوں کی شرکت کو مرکزی حیثیت حاصل ہو گئی ہے۔
اورنگی پائلٹ پروجیکٹ کے بارے میں بہت کچھ لکھا گیا ہے لیکن کئی ایسے اہم معاملات ہیں جن کا تذکرہ ان تحریروں میں نہیں ملتا۔ مثال کے طور پر یہ کہ اورنگی پائلٹ پروجیکٹ کے ادارتی کلچر پر اختر حمید خاں کی شخصیت، پرورش اور ان کی زندگی بھر کی سچائی کی تلاش کا گہرا اثر پڑا ہے۔ ان تحریروں میں اُس طرزِ فکر کی صراحت نہیں کی گئی جو اور کئی پائلٹ پروجیکٹ کے عملی طریق کار کی بنیاد ہے۔ ان میں انسانی وسائل کی نشوونما کے اس عمل کا ذکر نہیں ہے جس کے باعث پاکستان کے کئی شہری علاقوں تک پروجیکٹ کا پھیلاؤ ممکن ہوا؛ اور اُس اثر کا بھی تذکرہ نہیں ہے جو اورنگی پائلٹ پروجیکٹ نے پاکستان میں کام کرنے والی مقامی تنظیموں اور بین الاقوامی امدادی اداروں کے طرزِ فکر پر ڈالا ہے۔ یہ تحریریں اورنگی پائلٹ پروجیکٹ کے مستقبل کو زیر بحث نہیں لاتیں اور نہ ہی ان سمتوں کا ذکر کرتی ہیں جنہیں پروجیکٹ نے حال میں اختیار کیا ہے۔
اس مختصر کتاب میں ان میں سے بعض خالی جگہوں کو پُر کرنے کی کوشش کی گئی ہے۔ اس کے مصنف آرکیٹکٹ عارف حسن 1982 سے او پی پی کے مشیر کی حیثیت سے کام کر رہے ہیں اور ان کا اختر حمید خاں سے قریبی تعلق رہا ہے۔
ISBN 969-8380-20-5
تبصرے
ابھی تک کوئی تبصرہ موجود نہیں ہے۔