انکی کے دیس میں
| تعداد | رعایت | رعایتی قیمت |
| 3 - 4 | 25% | ₨ 938 |
| 5 - 9 | 33% | ₨ 838 |
| 10 + | 40% | ₨ 750 |
وِلاس سارنگ (Vilas Sarang) نئے ہندوستانی فکشن کی چند منفرد ترین آوازوں میں سے ایک ہیں۔ وہ مراٹھی اور انگریزی میں لکھتے ہیں۔ زیر نظر ناول مراٹھی زبان میں انکی چیا راجیات کے عنوان سے 1983 میں شائع ہوا۔ اس کا انگریزی ترجمہ ولاس سارنگ نے خود کیا جو In the Land of Enki کے عنوان سے 1993 میں شائع ہوا۔ اس کا ترجمہ براہ راست مراٹھی متن سے کیا گیا ہے اور کہیں کہیں انگریزی ترجمے سے بھی مدد لی گئی ہے۔ ترجمے کا یہ عمل ایک غیر معمولی لسانی تجربہ بھی ثابت ہوا۔
ولاس سارنگ 1942 میں پیدا ہوے۔ انھوں نے 1969 میں بمبئی یونیورسٹی سے انگریزی ادب میں ڈاکٹریٹ کی۔ ان کی تحقیق کا موضوع ڈبلیو ایچ آڈن کے اسلوب کا مطالعہ تھا۔ ڈاکٹریٹ کی ایک اور ڈگری انھوں نے امریکہ کی انڈیانا یونیورسٹی سے حاصل کی۔ 1970 کی دہائی میں عراق کی بصرہ یونیورسٹی سے متعلق رہے اور 1988 سے بمبئی یونیورسٹی سے وابستہ ہوگئے، اور شعبئہ انگریزی کے سربراہ کی حیثیت سے ریٹائر ہوئے۔ عراق کے قیام کے دوران اپنے مشاہدات کی بنیاد پر انھوں نے بعد میں کئی کہانیاں لکھیں۔ زیر نظر ناول بھی اسی تجربے اور تخلیقی عمل کا تسلسل ہے۔
ولاس سارنگ نے اپنے اس ناول میں قدیم دیو مالا ، تاریخ اور جغرافیہ کے پس منظر کو تخلیقی دانائی اور مہارت سے استعمال کرتے ہوئے عراق کے جدید معاشرے کی زندگی کو برصغیر کے ایک جدید باشندے کے نقطہ نظر سے پیش کیا ہے، اور انسانی آزادی کی امنگ اور مطلق العنان اقتدار سے اس کے تضاد سے متعلق کئی اہم سوالات اٹھائے ہیں۔
ISBN 969-8379-98-0
تبصرے
ابھی تک کوئی تبصرہ موجود نہیں ہے۔