کلیات غور
| تعداد | رعایت | رعایتی قیمت |
| 3 - 4 | 25% | ₨ 600 |
| 5 - 9 | 33% | ₨ 536 |
| 10 + | 40% | ₨ 480 |
عبدالرحمن غور (1919-1984) بلوچستان میں اردو کے اہم شاعر فکشن نگار اور نقاد تھے ۔ وہ عملی طور پر صحافت سے بھی وابستہ رہے۔ اپنے زمانے میں اہم ترین ادبی کام کرنے اور عملی طور پر سیاست و صحافت سے منسلک رہنے کے باوجود اپنے دیگر ہم عصروں کے مقابل ان کا ذکر بہت کم کیا جاتا ہے۔ حالاں کہ ان کا تمام ادبی اثاثہ اتنا بھرپور اور اہم ہے کہ اس پر الگ سے جم کر کام کرنے کی ضرورت ہے۔
ایک مدت سے، بلکہ اپنی اولین اشاعت کے بعد سے، ان کی بیشتر کتب دوبارہ شائع نہیں ہوسکی تھیں۔ اس وجہ سے معاصر قارئین ان کے ادبی کام کی اہمیت سے مکمل طور پر روشناس نہیں ہیں۔ یہ کمی اس کتاب سے پوری ہوتی ہے۔ اس میں ان کا ایک ناول اور افسانے جمع کر دیے گئے ہیں۔
غور کے فکشن میں رومانس ہے تو مزاحمتی رنگ بھی ہیں اور کوئٹہ شہر و مضافات کا بیان اور مقامی ثقافت کے عناصر ، سب مل کر ان کی تحریروں کو اہم بناتے ہیں۔
امید ہے کہ بلوچستان کے ادب سے عمومی دلچسپی رکھنے والے اور عبد الرحمن غور کی تحریروں کے متلاشی خاص کر اس کتاب کو شرف پذیرائی بخشیں گے۔
(ادارہ)
تبصرے
ابھی تک کوئی تبصرہ موجود نہیں ہے۔