این جی اوز اور حکومت کے درمیان اشتراک عمل
| تعداد | رعایت | رعایتی قیمت |
| 3 - 4 | 25% | ₨ 750 |
| 5 - 9 | 33% | ₨ 670 |
| 10 + | 40% | ₨ 600 |
کراچی میں محنت کش طبقے کی آبادی اورنگی میں اورنگی پائلٹ پروجیکٹ کے کم لاگت سینی ٹیشن کے وسیع پروگرام کی کامیابی نے عملی طور پر ثابت کیا ہے کہ اگر کسی آبادی کے باشندوں کو تکنیکی اعانت اور سماجی رہنمائی فراہم کی جائے تو وہ نکاس کے نظام کے اندرونی حصے کو اپنے خرچ اور اپنے انتظام کے تحت تعمیر کرسکتے ہیں اور اس کی دیکھ بھال بھی کرسکتے ہیں بشرطیکہ حکومت نکاس کا بیرونی نظام یعنی بڑے نالے اور ٹریٹمنٹ پلانٹ تعمیر کرنے اور اس کی دیکھ بھال کرنے کی ذمہ داری اٹھائے۔
اس کتاب میں پاکستان کے معروف آرکیٹکٹ اور اوپی پی کے مشیر اعلیٰ عارف حسن نے پاکستان کے تین شہروں کی کچی آبادیوں میں کم لاگت سینی ٹیشن پروگرام کی نقل کرنے کے عمل میں سرکاری ترقیاتی محکموں اور بین الاقوامی اداروں کے ساتھ اوپی پی کے اشتراک عمل کے تجربات بیان کیے ہیں۔ اس تفصیلی جائزے میں اس اشتراک عمل کے فریقوں کے ادا کردہ کردار اور منصوبوں پر عملدرآمد کے سلسلے میں پیش آنے والی عملی دشواریوں کی تفصیل بیان کی گئی ہے۔ ان تجربات سے جو اہم نتائج بر آمد ہوئے ہیں ان میں اہم ترین یہ ہے کہ سرکاری محکمے اور بین الاقوامی ترقیاتی ادارے غریب شہری باشندوں کی زندگی کے حقائق سے رشتہ جوڑنے کی صلاحیت نہیں رکھتے چنانچہ ان کے چلائے ہوئے ترقیاتی منصوبوں کا انجام اکثر ناکامی پر ہوتا ہے۔ اس کے بر عکس کچی آبادیوں کے باشندے ہوشیار اور حقیقت پسند ہیں اور دلچسپی رکھنے والے افراد اور اداروں سے سماجی اور تکنیکی امداد حاصل کر کے اپنے حالات بہتر بنانے کی مسلسل اور کامیاب کوشش کرتے ہیں۔
تبصرے
ابھی تک کوئی تبصرہ موجود نہیں ہے۔