گینڈا پہلوان
| تعداد | رعایت | رعایتی قیمت |
| 3 - 4 | 25% | ₨ 713 |
| 5 - 9 | 33% | ₨ 637 |
| 10 + | 40% | ₨ 570 |
حمید شیخ (پورا نام عبدالحمید شیخ) سول اینڈ ملٹری گزٹ ، لاہور، کے ایڈیٹر رہے لیکن لاہور کے بارے میں اپنے ہفتہ وار کالم کی بدولت زیادہ معروف ہوے جو وہ پاکستان ٹائمز کے لیے کئی برس ، 28 مئی 1971 کو وفات پانے تک لکھتے رہے۔ اردو فکشن کے میدان میں حمید شیخ کی قصہ گوئی کی زبردست صلاحیت کا اظہار صرف اس مختصر ناول گینڈا پہلوان کی صورت میں ہوا جسے یہاں پیش کیا جا رہا ہے۔ جیسا کہ مصنف کے پیش لفظ اور فیض احمد فیض کے تعارف سے معلوم ہوگا، گینڈا پہلوان ناولوں کے ایک سلسلے کا پہلا حصہ تھا جسے لکھنے کا حمید شیخ نے منصوبہ بنایا تھا اور جس کا مجموعی عنوان جلوس طے کیا تھا۔ لیکن افسوس کہ اس سلسلے کا اگلا کوئی ناول نہ لکھا جا سکا۔ یہ ناول بھی 1961 میں شائع ہونے کے بعد تقریبا مکمل طور پر نظرانداز ہوگیا۔ اس کا دوسرا ایڈیشن چھپنا تو درکنار، اس کا نام تک اردو فکشن کے کسی تذکرے میں نہیں آتا۔ نتیجہ یہ ہے کہ بہت کم پڑھنے والے اس کے وجود سے واقف ہیں۔ اپنے قصے کے کرداروں کی زندگی اور ان کے گردو پیش کے پُرمزاح بیان میں حمید شیخ نے اتنی فنکارانہ خلاقی سے کام لیا ہے کہ اس میں ایک علامتی رنگ پیدا ہوگیا ہے۔ خیال ہوتا ہے کہ اگر 1950 اور 1960 کی دہائیوں میں اس قسم کے تخلیقی تجربوں کو مناسب توجہ اور پذیرائی حاصل ہوتی تو اردو فکشن شاید آگے چل کر سپاٹ اور اکتا دینے والی ‘حقیقت نگاری’ اور بے جان اور مضحکہ خیز ‘علامت نگاری’ کے رجحانات سے بچ سکتا تھا جنھوں نے ایک عرصے تک اس کی راہ کھوٹی کی۔
ISBN: 978-969-648-067-9
تبصرے
ابھی تک کوئی تبصرہ موجود نہیں ہے۔