کاغذ کا بدن
| تعداد | رعایت | رعایتی قیمت |
| 3 - 4 | 25% | ₨ 450 |
| 5 - 9 | 33% | ₨ 402 |
| 10 + | 40% | ₨ 360 |
انتظار حسین نے لکھا
شاہین روحی بخاری بلوچستان میں اردو افسانے کا نخلستان ہیں۔ اصل میں جو لکھنے والے ادبی مرکزوں سے دور بیٹھ کر لکھتے ہیں۔ ان کا لکھنا سرگرمی نہیں ہوتی ۔ اس کے ساتھ وہ ایک تہذہبی فریضہ بھی سر انجام دیتے ہیں ۔ شاہین روحی بخاری جس علاقے میں بیٹھ کر افسانے لکھ رہی ہیں۔ اس علاقے میں شعر و شاعری کی سرگرمی تو نئی نہیں ہے ۔ لیکن افسانے کی سرگرمی نئی نئی ہے تو وہاں جو لکھنے والے افسانہ لکھ رہے ہیں، وہ اصل میں افسانے کی ایک روایت قائم کر رہے ہیں ۔ اس اعتبار سے شاہین روحی بخاری کی افسانہ نگاری بلوچستان کے سیاق و سباق میں ایک اہم واقعہ ہے۔ اس واقعہ کو اہم سے اہم تر ، اس بات نے بنایا ہے کہ شاہین روحی بخاری ایک خاتون ہیں۔ اس علاقے کی فضا میں ایک عورت کا افسانہ لکھنے کا عمل لاہور میں بیٹھ کر کسی خاتون کے افسانہ یا ناول لکھنے سے کہیں زیادہ بامعنی عمل ہے۔ ( پیش لفظ سے مقتبس)
بلوچستان میں اردو فکشن کے تناظر میں انتظار حسین جیسے قد آور ادیب اور نقاد کی درج بالا رائے برحق ہی نہیں معتبر بھی ہے، جو اس مجموعے کی اہمیت کو ثابت کرتی ہے۔ شاہین روحی بخاری بلوچستان میں اردو افسانے کا اہم ترین نام ہے۔ گزشتہ صدی کے نصف آخر میں لکھے گئے یہ افسانے اپنے اندر اسلوب، تکنیک اور مواد کے حوالے سے چونکا دینے کا کافی سامان رکھتے ہیں۔ ان میں جنگوں سے متاثر ہونے والے بچوں، پاکستانی سماج میں عورتوں کی عمومی صورت حال ، فطرت سے آدمی کی ہم آہنگی اور موسمیاتی تبدیلیوں کے خطرے کا احساس قاری کو حیران کرتا ہے۔ جدید حسیت کے حامل یہ افسانے بلوچستان کے سیاق میں ایک خاص اہمیت رکھتے ہیں۔
(ادارہ)
تبصرے
ابھی تک کوئی تبصرہ موجود نہیں ہے۔