کانی نکاح
| تعداد | رعایت | رعایتی قیمت |
| 3 - 4 | 25% | ₨ 713 |
| 5 - 9 | 33% | ₨ 637 |
| 10 + | 40% | ₨ 570 |
خالد طور (2021-1943) نے ریڈیو پاکستان کی ملازمت اور فکشن نگاری دونوں کا آغاز 1960 کی دہائی میں کردیا تھا۔ ان کی کہانی سائیں موسم لاہور کے معروف رسالے فنون میں 1966 میں شائع ہوئی تھی ۔ اگرچہ ادب کے چند پارکھوں مثلاً محمد خالد اختر نے خالد طور کی غیر معمولی صلاحیت کی داد دی لیکن ان کی تحریریں اس کے بعد باقاعدگی سے شائع نہیں ہوئیں۔ زیر نظر ناول کانی نکاح 1991 میں انھوں نے خود شائع کیا اور یہ حیران کن حد تک کامیاب ناول کم و بیش نظرانداز ہوگیا۔ آج کے شمارہ 63 (2009) میں یہ دونوں تحریریں یکجا شائع کی گئیں تو پڑھنے والے کے ایک نئے حلقے نے خالد طور کو نئے سرے سے دریافت کیا اور سراہا۔ اس کے بعد ان کی کئی کہانیاں آج کے مختلف شماروں میں شائع ہوتی رہیں۔ شمارہ 72 (2012) مکمل طور پر ان کے دوسرے ناول *بالوں کا گچھا* کے لیے مختص کیا گیا۔ کانی نکاح پہلی جنگ عظیم کے زمانے میں بالائی پنجاب کے علاقے چکوال کے ایک گاؤں میں پیش آنے والا قصہ ہے جس میں انگریز کی فوج میں بھرتی ہو کر جانے والے ایک نوجوان کی غیر موجودگی میں، روایت کے مطابق ، سرکنڈے کے پتلے کو اس کا قائم مقام بنا کر اس کی شادی اس کی منگیتر سے کردی جاتی ہے۔ اس ناول میں خالد طور نے مذکورہ علاقے کے رہن سہن کا جو مرقع پیش کیا ہے وہ اپنی باریک بینی اور حساس بیان کے اعتبار سے اردو ادب میں بے مثال ہے۔
ISBN: 978-969-648-064-8
تبصرے
ابھی تک کوئی تبصرہ موجود نہیں ہے۔